విశాఖపట్నం సెప్టెంబర్ 22(ట్రూ న్యూస్ ) : గ్యార్మీ షరీఫ్ (లేదా 11వ షరీఫ్) అనేది ఇస్లాం మతంలో సూఫీ సంప్రదాయాన్ని అనుసరించే ముస్లింలు ఎంతో పవిత్రంగా జరుపుకునే ఒక ముఖ్యమైన పండుగ. గొప్ప సూఫీ సంత్ మరియు ఖాదరియా సూఫీ సిల్సిలా స్థాపకుడైన షేక్ అబ్దుల్ ఖాదిర్ జిలానీ (రహ్మతుల్లా అలైహి) జ్ఞాపకార్థం పహిలె గ్యార్మీ షరీఫ్ ను జరుపుకుంటారు.ఇస్లామిక్ చం🌙ద్ర మాన క్యాలెండర్ ప్రకారం రబీ-ఉల్-ఆఖిర్ (రబీ-ఉల్-థాని) నెలలోని 11వ రోజున దీనిని ప్రతి సంవత్సరం జరుపుకుంటారు. ఉర్దూ/హిందీ భాషలో ‘గ్యారా’ అంటే 11 అని అర్థం, అందుకే దీనికి ‘గ్యార్మీ షరీఫ్’ అనే పేరు వచ్చింది.ఈ రోజు యొక్క ముఖ్య ప్రాముఖ్యత మరియు విశేషాలు
ఈసాల్-ఎ-సవాబ్ (పుణ్యాన్ని చేరవేయడం): ఈ రోజున ముస్లింలు అల్లాహ్‌ను ఆరాధించడంతో పాటు, ఖురాన్ పఠనం (ఖురాన్ ఖాని ) చేస్తారు. దీని ద్వారా లభించే పుణ్యాన్ని షేక్ అబ్దుల్ ఖాదిర్ జిలానీ ఆత్మకు (ఈసాల్-ఎ-సవాబ్) అంకితం చేస్తారనేది ఒక ప్రత్యేక కథనం .నియాజ్ మరియు లంగర్ (అన్నదానం) గ్యార్మీ షరీఫ్ సందర్భంగా పేదలకు, అవసరార్థులకు ఆహారం మరియు మిఠాయిలను (మలీదా వంటివి) ఉచితంగా పంపిణీ చేస్తారు. దాతృత్వానికి ఇస్లాంలో ఉన్న ప్రాముఖ్యతను ఇది తెలియజేస్తుంది.జులూస్-ఎ-గౌసియా (శోభాయాత్ర) అనేది కుడా ఈ పండుగ రోజున భారత ఉపఖండంలో (భారతదేశం, పాకిస్తాన్, బంగ్లాదేశ్) అనేక ప్రాంతాలలో ముస్లింలు “జులూస్-ఎ-గౌసియా” పేరుతో పెద్ద ఎత్తున ఊరేగింపులు (ర్యాలీలు) నిర్వహిస్తారు.ధ్యానం మరియు ప్రార్థనలు: మసీదులు మరియు సూఫీ దర్గాలలో ప్రత్యేక ప్రార్థనలు, నాత్ ఖ్వానీ (ప్రవక్త మరియు స్తుతి గీతాలు), మరియు జిక్ర్ (అల్లాహ్‌ను స్మరించడం) వంటి ఆధ్యాత్మిక కార్యక్రమాలు నిర్వహిస్తారు.ఆధ్యాత్మిక స్ఫూర్తి షేక్ అబ్దుల్ ఖాదిర్ జిలానీ (గౌస్-ఎ-ఆజం) చూపిన ధార్మిక మార్గాన్ని, ఆయన బోధనలను, సమాజ సేవను గుర్తుచేసుకుంటూ ముస్లింలు తమ జీవితాలను భక్తి మార్గంలో మలచుకోవడానికి పహిలె గ్యార్మీ షరీఫ్ ఒక స్ఫూర్తిగా నిలుస్తుంది.
